ادخلي وجاوبي على سؤالي بكل صراحه .. لكل عضوه دعوه خاصه

أم حاتم · منذ /16 05 2006, 06:10

يابنات ياحلوين ** أشربوا الحليب** للقوه والصحه <<<<<< اسكتي بس ياثقالة الدم .
المهم كيفكم يابنات ياحلوين ** أشربوا <<<<<<<<<< قلنا خلاص

طيب خلاص يابنات ياحلوين <<<< سلامات يا أم حاتم
لاسلامتكم يابنات <<< أقول لاتعيدينها لو عدتيها مارح يصير خير
طيب
طيب

<<<<<<<< أدخلى في صلب الموضوع وش عندك اليوم ..

سوف أقول لكم وش عندي اليوم يابنات ياحلوين وبس << أشوى

اليوم أبي كل عضوه تدخل تقول وش نوع العبايه اللي تلبسها بكل صراحه ؟؟
وهل هي مقتنعه بما ترتديه
؟؟

ولا اريد من هذا الموضوع سوى الخير باذن الله
بكل صراحه لاتنسوااااااااااااااااااااااااااا ؟؟
نبتدي ياحلوييييييييييييييييييييييييين

همسة غـلا · منذ /16 05 2006, 06:35

هلا عزيزتي ام حاتم
شلونك يالغلا
ياحليلك ولله مع ها الصبااااااااااااااااح هههههههه
اكيد شاربة حليب زين ومدفيكي مع ها الحـــــــــــــــر ههههخخخ
راااااايقة مشاء الله تبارك الرحمن
الله يزيدك يارب
موضوع حلو بارك الله فيك ,,,
ويشرفني اني اكون اول وحدة ترد يالغلا ...
انا والحمـــــــد لله عباتي على راســـــي
وتعودت عليها خلاص
والبسها في كل مكااااااااااااااااااان ...
اي والحمــــد الله مقتنعة بها تماما .....
ولا ماكان لبستها ,,,,
برايفت ام حاتم .....
في ناااااااااااااس الله يستر علينا وعليهم يارب
عباية على الراس وشراريب وجونتي اليد
يعني صانو انفســــــــــــــهم من اعين الرجاااااااال
لكـــــــــن مع الاسف لم يصنو السنتهم عن النااااااااااااااااااااس
فعلا هذا ما كانت اعاني منة مع وحدة الله يستر عليها
وكانت تمشي في الغيبة والنميمة والتفرقة بين الناااااااااااااس
وتتكلم وتقولي مشاء الله عليها لكن بس دقيقية واحدة واطلعي من الفرفة وارجعي وتلقيها مافي احد ما تكلمت علية ...
والله الدين ليس في لبس العباية على الراس او الكتف
انا اعرف ناس عبايتهم على الكتف وواسعة جدا وغير ملفتة
وقلوبهم والله حليب ....ويخافون الله
الدين في القلــــــــــــــب والاخلاص لله
اسسسسسسفة ياقلبي على الاضاااافة البسيطة يا ام حاتم .......
الله يجزاك خير
ودمتي بخير وبحفظ الرحمن ,,,,,
.
.
.

كيوي · منذ /16 05 2006, 06:53

انا الصراحه يوم كنت بنت ولا عندي لا ورع ولا صرع كانت عبايتي على راسي

اما الان يومن تزوجت وصار عندي ورع اشيله ومره يسحب الغطايه ومره يسحب الطرحه ومره يشرشحني ومره اشرشحه

لا والله صرت البسها على الكتف بس مقفله من الامام والطرحه طوييييييله

واعتقد انها استر من اللي على الراس

يعني اهم شي ما هي مخصره بل واسعه

أم حاتم · منذ /16 05 2006, 11:54

اسسسسسسفة ياقلبي على الاضاااافة البسيطة يا ام حاتم ....... وش هالكلام همسة غلا
أنت أضفتي أضاقه جدا جدا رائعه .. جزاك الله خير

كيوي .. أهم شي الاحتشام يعني لما تشوفي نفسك في المرايا قبل تطلعي من البيت بالعباءه .. تحسين مافيك شي يلفت .. وبهذا تكوني حققتي الاحتشام .. وسلامتك

إختفاء · منذ /16 05 2006, 12:05

انا والحمـــــــد لله عباتي على راس>>
وتعودت عليها خلاص >>>
والحمــــد الله مقتنعة بها 100 /100 ,,,

مشكوره أم حاتم...

منذ /16 05 2006, 01:01

موضوع حلووو بس اتوقع مكانه الحوار

بقولتس قلبي

الان عباية الراس تفتن اكثر

من بغى الفتنه حصلها بالعبايه المخصره
والنقاب المرفوع

والكحل مالي العين والعطر يالله من فضلك وهي على الراس
وبالعكس تفننوا فيها اكثر

موديلات اشكال وانواع
والعبايه المغربيه حدث ولاحرج عباية كتف حاطينها على الراس

وهموسه نفس فكرتي

بس من منظار ثاني حريم يلبسون جوانتيات

وحشيمه وصوتها لاجت المحل كأنها تعرفه من سنين
وين خفظ الصوت

ولبس الشباشب الملفته تقولين تعرض عند زوجها

بياض ونعومه تلفت الحريم قبل الرجال

وعلى فكره عبايتي على راسي ومقفله

ولا فيها اي معالم زينه

وانا مقتنعه بها

ومره وحده قالت لي كنك عجوز فيها

وحقرتها والان الكل يلبسها اللي هي اسلاميه مقفله

وليت نستر انفسنا ونحشمها عن فاحش القول

والنوايا السيئه والحاق الضرر بالناس

وكيوي احيي فيك شجاعتك انك قلتي تلبسين على الكتف

والله تلقينتس ساتره نفسك

اكثر من اللي على الراس
وارجوا اني وفيت بكلامي (انفتحت وش يسكتها)

عسل · منذ /16 05 2006, 01:10

انا ولله الحمد عباتي على راسي ومسكره احسها استر ولا تلفت النظر

عندي لك حل كيوي بدال لبسك لعباية الكتف عندي الخمار المصري مايطيح ولا شي لو ولدك تعلق عليه مستحبل يطيح خخخخخخخخخخخخخخخ وانصحك فيه احسن لك من الكتف ونظرة الناس لها احس اي وحده عباتها على الكتف الكل يطالعها ما ادري هذي وجهة نظري

والسموحه

ونة خفوق · منذ /16 05 2006, 01:23

ياهلا ام حتوم
عاش من شافكـ

سؤال وجيهـ
ولكن الأهم

ماذا تعني عباية الرأس أو الكتف؟

أعتقد إن المسألة صارت عادة بغض النظر عن الستر

وأكبر دليل
نظرة واحدهـ لتجمهر نساء في السوق..!

هناكـ عباية رأس ساترة
لاترى من المرأة غير الإحتشام..

اللهـ يزيد ويباركـ..

وهناكـ من تضع عباية رأس
مخصرة مزركشة...

أين الستر؟!
أم نكتفي بأنها عباية رأس!

وهناك من تلبس عباية الكتف المخصرة الضيقة!!
يارب توب علينا..!

وهناك من تلبس عباية كتف واسعهـ
ساترة لاتوجد بها زينهـ

بطرحهـ واسعهـ تغطي كتفيها وصدرها..

.
.

المسألة مسألة إحتشام وعدم لفت نظر
وليس نوع العباية ..

.
.

موضوع للحوار وجيهـ ومهم..
أشكركـ عليهـ من قلبي.

مرسى الاشواق · منذ /16 05 2006, 01:38

مشكوره يا الغلااا

على الموضوع الكشخه

اختي ام حاتم

بصراحه انا البس الاثنين

عباية الكتف لكن عبايتي ساتره والحمدلله

وعباية الراس الا اني دايم اتعرقل فيها

لكن تعودت على الثنتين

من خاف الله واتقاه

اتقى نفسه وخاف عليها من النار

سلمتي اختي ام حاتم

ღ. عطـر المحبـة .ღ · منذ /16 05 2006, 03:37

انا الحمد لله عباتي على الراس من غير تطريز و مو ضيقة ..

سلمتي أم حاتم ..

عطر و زهر · منذ /16 05 2006, 03:56

هلا ام حاتم,,
الحمدلله عباتي ع الراس قبل زواجي وبعده,,
ومافيه زركشه وماهي ضيقه,,
ما انكر اني تمنيت البس عبايه ع الكتف بس تكون ساترة يعني الطرحه تكون مغطيه كل الجزء العلوي من جسمك تكون طويله,,
لبست عبايه ع الكتف مرة وحده لمن سافرت برا,,
بس كانت وسيعه ومثل ما قلت لك مافيها زخارف,,وغير ملفته للنظر,,
وودي اشتري العبايه الاسلاميه اللي مسكرة نهائيا ومافيها الا فتحه الراس,,
البسها في المستشفى اذا رحت اراجع بولدي
او السوووق,,
اما روحاتي لأهلي وقرايبي اكون بالسيارة البس عبايه ع الراس,,
عاديه,,
لان عادة ما امر ع رجال,,يكون باب الحريم بجهه والرجال بجهه..
انا ماينرفزني الا العبايات اللي تجيك مخصرة,,
وريحة العطر الفايحه,,
بالمستشفى!! انتي جايه تتعالجين والا جايه,,,؟؟!! استغفر الله يارب,,
والبرقع,,واللثمه..ياسلام لاتتغطين احسن!!!

جزاك الله خير ام حاتم

الخوف من الله · منذ /16 05 2006, 04:38

موضوعك مهم جدا ورائع

عبا تي علي الكتف وعلي الراس

عندي الراس الاسلاميه ( استخدمها السوق اذا كنت بطول فيه)

والكتف الخرجه لما اخرج الي اهلي وبعادتي خرجوي قليل والكل يشتكي مني
المستشفي زوجي يودي اولادي
والحمدالله مافيها زركشه ولا شي عاديه والطرحه طويله

ودائم اختي تخاصمني علي لبسها (لاانها تلبس علي الرس وشراريب وجونتي كمان (الله يزيدها يارب)

عن نفسي مالبس جونتي ولا شراريب حاولت ولبست كم مره بس

والحمد الله قبل خروجي ما احب احط عطر اليوم كله ولا اتكحل كمان

خوفا من احد يشم عطر حتي ولو كان كريم يد بعضها تكون معطره

ولبس جزمه حقت رياضه سوداء حتي اخذ راحتي بالمشي وماتلفت النظر ( كعب ويادوب مشي انتي جايه تشتري ولا تعملي عرض جزم شي يبكي والله الله يستر عليهم

لما اخرج واشوف حال الفتيات من تبرج احمد الله علي ستري وعبايتي حتي ولو كانت كتف محتشمه

احببت انطرح سطور ي بصراحه لكم

ليش اخاف من الصراحة والله يشاهدني ويشاهد عبايتي وحشمتي

اشكرك كثير لفتح الموضوع وجزاك الله خيرا

00الظل00 · منذ /16 05 2006, 05:42

.
.

( بنات تفتيش ع العبايات )

أي بنت صغيرهـ تبدأ تلبس عبايه .. تسأل عن السبب !!

جزء من المهمه تكون على " قدوتها " في تفسير السبب المقنع:

• لأن ربي أمرنا بالستر

• لأن أمك وجدتك كانوا يلبسونها !!

• عيب تطلعين عند الناس بدون عبايه وش يقولون علينا !!

.

.

فيه نقطه ثانيه مهمه :

ليه اي وحدهـ تلبس

عبايه كتف ايا كان نوعها نحط عليها اكس بالأحمر

وممنوع الاقتراب منها ، ونشعر بأننا أفضل منها !!

ممكن يكون فيها خير لكنها محتاجه من ينصحها ..

وممكن يكون حجابها أفضل بكثير من عبايه الراس اذا

اخلصت النيه في لبسها للعبايه..

" الحجاب للستر "

أي كان شكله ووضعيته ..

.

.

ام حاتم

اختك الظل

.

.

خوخه · منذ /16 05 2006, 07:11

تسلمين يام حاتم على طرحك القيم

صراحه انا عن نفسي البس عبايه كتف
بس الطرحه طويله وساتره
وما اطلع من البيت الا وانا مشيكه على نفسي
ومتاكده انه مافيني شي يلفت الانتباه
والله يخلي لي الوالده دايم توجهني وتنصحني
وتبهني اني اطوول الطرحه علشان تغطي الكتف والصدر

صحيح اللي اشوفه يوميا يقهر خاصه لما ارووح الجامعه من
مناظر تدمع القلب قبل العين

بس الله المستعان
والله يهدي الجميع

تقبلي كل الود
خ و خ ه

shosho2007 · منذ /17 05 2006, 03:39

مشكورة يا أختي على هذا السؤال المفيد لكل فتاة واشكرك على طريقتك في عرض الموضوع الذي يمس عفاف وشرف كل فتاة تنتمي الي البيئة الاسلامية وثقافتها .
أما بالنسبة لحجابي فأنا أرتدي عباءة من على الكتف ولكن أرتدي عليها طرحه طويله تغطي الكتف والصدر وأهم من ذلك كله تغطية الوجه لأنه موطن الجمال والفتنه .