أهلين يا بنات

مثل ما وعدتكم جبت لكم الدرس الثاني بالفوتوشوب..

هذا الدرس أنا وظيفتكم فيه أنكم تتعبثون وبس.. وأنا وظيفتي أني أدللكم على المكان اللي بتسوون فيه هذي التعبثات!!!

واليوم رح أحكي لكم عن(layer style)..
اللي تظهر لك لما تضغطين على صوره اللير اللي أنت حابه تضيفين له التأثير دبل كليك..من لوحه الليرز..

أو..من..
Layer>>layer style>>blending options...
وبعدين رح تطلع لك هذي النافذه .. وهي اللي بنشتغل عليها اليوم..



رح تلاحظين على يسار النافذه القائمه (اللي أنا محددتها بالأخضر)..
هذي هي القائمه اللي رح نعرف وش وظيفة كل أختيار فيهم..

نبدأ أولاً.. بـ(drop shadow)
وهي تعطي ظل خارجي للشكل..
ومن خلال هذا الاختيار تقدري تختاري مقاس الظل اللي أنت حابه تضيفينه ..ولونه..ومقدار بعده عن الشكل .. وزاويته..

ملاحظه مهمه..اذا أخترتي من القائمه ما يكفي أنك تعملي صح على المربع بس ..لأنك لوضغطتي على المربع بس رح تظهر لك الخصائص العامه..
واذا انت حابه تحددين الخصائص أضغطي على الكلمه نفسها ضغطه وحده.. ورح تظهر لك التأثيرات..

رح أشرح لكم التأثيرات وكل واحد وش عمله على الشكل..
وهي في كل الاختيارات تقريباً نفسها..

شفافيه الظل..
زاوية الظل..
بعد الظل عن الجسم..
انتشار الظل..
حجم الظل..

ويا الله عاد تعبثي فيهم..
أنا عاد تعبثت وطلعت معي هذي..


ألحين نجي نشوف الاختيار الثاني..
وهو..(Inner shadow)...
وهي تعطي ظل داخل الشكل..
يعني كأن الشكل جاي عليه ظل جسم ثاني..أو كأن الأضائه جايه على الشكل من فوق والظل طالع تحت..
بتطلع لك نفس الأختيارات اللي فيdrop..
وتعبثي.. وتنقي الأختيارات اللي تعجبك..
مثال..


الخيار الثالث..
وهو(outer glow)..
يعطي أضائه للشكل من الخارج.. يعني نوعا ما شبيه بالشعاع..
**

يخلي الأضائه زي ما تكون مبخوخه ببخاخ..
ممكن تختارين من هذولي الأختيارين أما تكون أضائتك بلون ساده.. أو متدرجه بعده ألوان..
هذا يعطي في الأضاءه أشكال حلوه وحركات جميله..جربيهم شوفي وش اللي يناسبك..

وأنا عاد يوم خلصت حايسه ودايسه أنتجت هذي الصوره..


الخيار الرابع..
وهو ( Inner glow)..
يعطي أضائه للداخل..
شوفوا هذا المثال البسيط..


الخيار الخامس..
وهو(bevel and emboss)..
هذا الخيار يعمل تدرجات باللون زي الخدع .. توهمك أن الشكل اللي أنت أشتغلتي عليه بارز.. مثل الأزرار..
وهذا الخيار بعد..مهم فيه (contour) يعطي أشكال مره حلوه..
وفيه أختيارين زياده وهم.. للتحكم في لون الظل والأضائه على الشكل..ودرجه شفافيتهم..
مثل..

والله هذي الصوره تذكرني بالحلاو اللي أنا أحبه!!


الخيارات الباقيه كلها عن التعبئه..
رح أتكلم لكم عنها على السريع..
Satin))
هذا الأختيار بصراحه..عجزت أعربه!!
أقرب ما ماله.. أنه يعمل حد.. داخلي للشكل.. والله العالم أن هذا عمله..

(color overlay)
يعبي لك الشكل باللون اللي أنتي تختارينه... نسبياً..
يعني ما يغطي لك الشكل تماما.. بي يبقي من ألوان الشكل قليل.. وما تقدرين تستعملين في التعبئه الا لون واحد..

(Gradient overlay)
نفس اللي قبلها لكن الفرق أن الـ gradient ممكن تلونين فيها بألوان متموجه..
مثل..

لا تجربونها بعدين ثم تقولون عني كذابه تراني شلت الأصفر اللي جوا وبعدين لونت بعدين عودت أرجعه..علشان ما تقولون وش لون شغلها صار كذا؟

(pattern overlay)
نفس عملهم بس أنه يعبي نقش..

وأخيرا..
(stroke)
يعمل حد للشكل..

وعلى فكره يوجد في الفوتوشوب ستايلات جاهزه تلاقينها على لوح الألوان..

انشاء الله أكون قدرت أفيدكم ..

وخصوصا حبيبتي سبيشل.. أنت بالذات أبيك تطبقين الدرس كلله وان لقيتك الحصه الجايه واقفه ترا بنقصك!!..

وسلامتكم..