البارات الثاني..


محمد: خليني اشوف الثلاجه شنو فيها..



يمكن اشوف لي شي اكله على الطاير ابي اروح انام..



خلود و ريم: احبك اعشقتك..



خلود: يمه وينك احنا رجعنا..



وجوعانين نوم واكل بقوووووة..



ريم: اكيد امي في المطبخ ماتطلع منه ابد..



بروح اشوفها وانتي اخذي شنطتي للغرفه اوكي



خلود: اوكي بس ابدل وأنزل على طول



ريم: حموووووود شنو جالس تسوي..



محمد: وربي دخلت اشوف شنو في الثلاجه وشفتها طايحه..



وقلت أعطيها ماي وأحاول اصحيها..



ريم: قوم اطلع برا ونادي خلود بسرعه



ولاتنسى تتصل بيت عمي وشوف امي وينها يمكن في غرفتها



محمد: ان شاء الله بس لاتقولين حق احد اني شفتها في المطبخ



ولا مسكتها بين ايديني اوكي..



ريم بصراخ: روح بسرعة سو اللي قلت لك عليه



محمد: يلا ارفعو التلفون تكفون تكفون..



سليمان وماله خلق: الوو هلا والله..



محمد وسوي نفسه طبيعي: هلا سليمان اخبارك



سليمان: مالي خلق شنو عندك خلصني..



محمد متردد: بصراحه...



سليمان معصب: بتقول ولا بسكر في وجهك يلا خلصني بسرعة.



محمد: اختك طايحه عندنا في المطبخ..



سليمان: شنو تقول أنت...!!!



مسافة الطريق وجايكم..



وصل سليمان وراح المطبخ طوالي يبي يشوف اخته..



شاف ملاك يشبه الملاك الي يحبه ويموت فيه..



هذي ريم..تشبه حبيبة قلبه فز قلبه بس شوي انتبه لنفسه



اخذ دانه وراح مع محمد المستشفى..



ودخلوها غرفة الملاحظه وبعدها بربع ساعه..



طلع الدكتور واهو مبتسم..



سليمان: طمني على اختي تكفى..



الدكتور: شويت ارهاق وهبوط في نسبة الدم.



تاخذ جرعة المغذي وبعدها تقدر تروح البيت..



سليمان: اشوى طمنتني عليها مشكور وابتسم ومشى.



محمد: الا صحيح دورت امي مالقيتها في البيت



اهي عندكم في البيت..؟؟



سليمان: انت مادريت..؟؟



محمد: عن شنو ادري ياخي شنو صاير قول لي..



سليمان: انا اقول لك..وجلس يقول لمحمد السالفه..




في فرنسا..



بيت ابو علي



ام علي: يا علي وين اخوك عادل..



اتصل فيه قول له يرجع انا احاتيه..



علي: تلاقينه جالس عند الربع و مطنش وأنتي اللي حارقه قلبك..



ام علي: طيب اتصل فيه خليني اطمن قلبي عليه..



علي: ان شاء الله يمه الحين اتصل له..



عادل: شوي وراجع ياحلو...موووووواه على خدك الرومنسي..



علي: الوو وينك فيه امي تحاتيك.



عادل: نفس العاده عند الربع بعد ساعه راجع..



اوكي الحين انا شوي مشغول بعد ساعه بكون في البيت



وقفل الخط



عادل: كلينا الغرفه جهزتيها ولا نفس العاده..؟؟



كلينا الفرنسيا: يس افكورس.



عادل: اخليكم حبايب قلبي شوي بس ناخذ ساعه استراحة وراجعين لكم..



كلينا كانت لابسه روب نوم حرير وفيه خيوط علاقي.



من تفتحهم يطيح الروب على الارض..



عادل فتح أزراره واهي فتحت علاقي الروب وطاح في الارض..



في بيت بو علي..



ام علي: بوعلي شفت ولدك كلمه



قله لايتأخر قلبي مايقدر يحاتيه..



ذي ديرت فسق وفجور مابيه يصير لي نفس اللي رجعوا بلادهم صايعين



بوعلي: لا تخافين على الولد مدامك أنتي مربيته..



ام علي: أنت ما تدري في الشيطان يلعب في مخه..



بوعلي: اوكي بكلمه ....الحين خليني أنام..



عادل: احبك ياكلينا..اووووش الناس نايمه>>سكران على الاخر.



في الصباح..



في المستشفى عند ساره..



بو سليمان: الحمد الله على سلامتك ياعمو..



ساره بصوت حنون: الله يسلمك ياعمي..



ام محمد:خوفتيني عليك أرجولي طاحت من الخرعه.



ساره تبوس راس امها: كاني نفس الحصان ما فيني شي..



ريم مع خلود: طاحت مريضه عشان تصير في حضن امي



لنا الله محد يحطنا في حضنه..



ام محمد: كلكم عندي واحد ومعزتكم وحده ابد ما افرق بينكم..



بو محمد: حبيبتي ساره تغطي سليمان يبي يسلم عليك..



ساره صارت حمره: ان شاء الله يبه..



سليمان: أحم أحم...درب درب.



ام محمد: ادخل ياولدي محد قدامك..



سليمان باس راس خالته: الحمد الله على سلامتها خالتي



الحمد الله على السلامه يابنت عمي..



ساره: الله يسلمك ياولد عمي..



بو سليمان: شنو رايكم بعد ماتطلع الحلوة من المستشفى



نروح البحر و ناخذ لنا استراحه حلوة كذا ونسوي طرب..



دانه: ايوه على ابوي بعد روحي انت..



بتخلينا نطلع من ذا الجو الكئيب..



سليمان: دانه تعالي ابغاك برا شوي..



دانه: ان شاء الله الحين اجي..



طلع سليمان ودانه وراه..



دانه: سم ياخوي شنو فيك..؟؟



سليمان: ابي اقول لك شي بس مدري ايش اقول لك



دانه: قول شنو فيك خرعتني شنو صاير..؟؟



سليمان: قولي قبل حق ابوي انك بتروحين وياي مشوار وبنرجع بسرعه..



دانه: اوكي بس استأذن من ابوي وجايه..



رجعت دانه: يلا قوم بس تقول امي لاتتأخرون عشان ماتحاتي



سليمان: اوكي



ركبو السياره ودانه متوتره وعلى اعصابها وسليمان خايف..



شغل اغنيه حزينه مره ..



بعد صمت دام ربع ساعه..



دانه: سليمان وين رايحين..ماقلت لي شنو راح تقول لي..



سليمان: البارح بعد ماطحتي وديناك المستشفى..



يوم سألت الدكتور عنك قال لازم تعمل فحوصات في مستوصف خاص وضروري..



دانه: شنو..وليش..وكيف..قول لي شي..



سليمان: مدري اذا سويتي الفحوصات اليوم بنشوف شنو راح يصير



بس لاتعلمين احد عن شي ..



دانه واهي في خوف ورعب: ان شاء الله



في المستشفى عند ساره..



الدكتور: ممكن تخلونا لوحدنا انا مع ساره..



بو سليمان: ان شاء الله يلا قومو خلو الدكتور يشوف شغله..



بعد ماطلعو الكل..



الدكتور: كيفك اليوم ياساره..؟؟



ساره: الحمد الله احسن.



الدكتور: راح نسوي اللازم وبعدها راح نقرر اذا اليوم راح تطلعين



او بكره..



ساره: دكتور انا ما احب المستشفيات واخاف من الابر



بس مدري كيف صرت كذا..



مابي اظل اكثر من ذي الايام..



الدكتور: ان شاء الله خير..



في المستوصف عند دانه مع سليمان..



النيرس: بابا بعد ساعه راح تطلع النتيجه..



سليمان: مشكوره..



اما دانه فكانت خاضعه تحت جهاز الاشعه..



بعد ساعه بالضبط طلعت النتايج وطلعت دانه من الغرفه..



والحمد الله كانت كل النتايج سليمه..



وساره بعد طلعت مع الاهل وصارت في احسن حال..



ورجعو البيت.. والكل راسم على فيسه ابتسامه لاتوصف..



يو سليمان: بقول لكم خبر بتفرحون فيه واجد..



دانه: يبه لاتشوقني اكثر الحين اطير ولا ارجع لكم..



الكل: ههههههههههههههههه



حمودي: يبه اكيد بيت عمي بو علي راح يرجعون البلد..؟؟



بوسليمان: اكيد انت ساحر ياولدي صح...



الكل: ههههههههههههههههه.



دانه: صحيح راح يرجعون بيت عمي..



ياني مشتاقه حق مرت عمي واجد



بو سليمان: قررت تكون الرحله مع اخوي إلى الشرقيه في الاستراحه الي قريب البحر



ريم مع خلود: عمي ياربي يخليك لنا..



وجتمعو حولين عمهم واهم يضحكون..



بعد اسبوع بالضبط يوم الخميس الكل جالس يجهز حق الاستراحه..



ساره جهزت واخذت لها ملابس حق اسبوع كامل..



وبما ان الحفل راح يصير عشانها



حطت لها بلشر خفيف واحمر خدود وروج بناتي..



ولبست لها فستان قصير ناعم لونه وردي فاتح وفيه نثر ورد صغيره..



اما ريم وخلود الي يشوفهم توئم ماشاء الله عليهم..



لبسو بناطلين جنز فسفوري على ازرق



ولبسو بديهات لونها اخضر نفس لون الشجر..



وحطو لهم كحل داخل العين وروج بناتي..



وبسرعه انزلو مع شنطهم عشان يلحقون..



ومحمد اخذ له تيشرتات وبرمودات وثوب واحد مع شماغ..



...



اما بيت ابو علي..



علي اخذ له ثياب وبناطلين اثنين وتشيرتات



اما عادل شكله بناتي فاخذ له تشيرتات ألوانها بناتيه وبناطلين مخصره..



وعمر شكله كيوت وملابسه دايم تكون رجوليه وفخامه ..



...



وبيت بو سليمان..



سليمان رجولي من طبعه فاخذ له بجامات للنوم والباقي ثياب واشمغه..



وحمود الدلوع اكيد ثياب يبي يصير رجال في عيونهم...



اما دانه فذي شي محد يتخيله..



دايم تحب تكون احلى وحده في الحفل حتى لو كانت بسيطه..



أخذت لها بيجامات نفس بيجامات الأطفال..



واخذت لها اشياء ناعمه تلوق على جسمها واخذت لها عبايه عشان تاخذ راحتها



لماتتنقل مابين المباني..



وبعد كذا الكل انتقل الى الاستراحه وجلسو يجهزون حق الحفل في الليل..



بعد الصلاة ابتدى الحفل وكان الكل حاضر عشان سلامة ساره..



عادل يحب يعزف بيانو كان في الصاله بيانو جلس يعزف..



اما محمد اخذ العود يدندن..



سليمان مانزلت عينه من على ساره وساره كانت تدري انه يطالعها



بعد ماخصلت الحفله راحو الحريم يكملون في الصاله داخل والرجال راحو المجلس



قامت ريم وخلود ودانه وشرعو في الرقص على اغنيه خياليه...



بعدها نادت ام سليمان البنات عشان يحطون العشاء..



خلود: ساره شفتي سليمان اليوم



ساره: شنو فيه لا ماشفت شي..



خلود: ماصدق ماشفتيه اهو ماشال عينه عنك جالسه يطالعك



يفكرك لوحه فنيه



ساره: يتهيئ لك يمكن يطالع شي وراي او كان سرحان شي عادي



ريم: شنو تسولفون عنه وتاركيني لحالي..؟؟



خلود: نسولف عن.....



ساره تقاطعها: عن الدجاج الي عمر شاويه



ام علي: والله وكبرتو يابنات..



تصدقون عاد مو جايه افرق مابينكم



دانه: انا دانه بنت ابو سليمان



ام علي: والنعم طالعه قمر يابنتي عسى ربي يخليك ويحفظك..



ساره: وانا ساره بنت ابو محمد



ام علي: انتي الي قالو انك طالعه من المستشفى صح..



ساره: أي..



ام علي: الحمد الله على سلامتك يابنتي..



خلود وريم: وانا خلود وانا ريم..



ام علي: ماشاء الله كانكم توأم محد يفرق مابينكم



كأنكم امس صغار واليوم كبرتو



ياحليلكم صرتو حريم




شنو تتوقعون في البارات الثالث بيصير..؟؟



هل سليمان بيحاول يكلم ساره بأي طريقه..؟؟او بيخطبها على طول..؟؟



عمر في عزفه حق لبيانو وأغنية الحب يقصد منو من البنات الموجودين..؟؟