أطباقي المنوعة 2×2 .. مشاركتي ..~

ربي يسعد أيامكم عسولات ..

أعتذر عن تأخر مشاركتي .. بس اكتشفت انه صعب الوحدة تنزل موضوع و زوجها بالبيت اجازة ..

الموووهيم دحين انزل موضوعي على عجالة .. فاعذروني على بساطة الطرح .. وأهم شي المضمون ..

بما ان الموضوع اطباق سهله .. فانا اكثر شي يهمني انها تكون فعلا سهلة .. وماتحتاج حوسة كثير .. يعني حطي دا فوق دا و يطلعلك احلى طبق ..

و احترت صراحة ايش انزل مالح ولا حلو ولا مشروب .. فقررت احط من كل شي طبقين ..



نبدأ بسم الله بالمالح ..



خبز بالثوم و الجبنة (الطبق اللي فوق)

نحتاج لـ .. توست أو حتى خبز صامولي تقطعوه شرائح بالعرض + ثوم مهروس او بودرة الثوم + زبدة + جبنة موزاريلا و ملح ..

الطريقة .. نخلط الزبدة و الثوم و الملح سوا .. و ندهن التوست فيهم .. و ع الفرن الين تتحمر من فوق .. و بالعافية ..


ساندوتشات التونة ( الطبق اللي تحت )

نحتاج لـ .. توست أو خبز صامولي + علبة تونة + ملعقة او اثنين مايونيز و ملعقة جبنة + نوع الحشوة اللي تحبيها انا مرات احط طماطم و خيار و مرات طماطم و جزر + ملح و فلفل اسود و كمون ..

الطريقة .. بكل بساطة راح نخلط التونة و مابعدها من المقادير اللي فوق كلهم سوا و نحشي الساندوتش تبعنا فيهم .. انا صرت ما اكل التونة بدون الخلطة اللزيزة دي ..



و الان ننتقل لاطباق الحلى ..



كيك بالايس كريم ( الطبق اللي فوق )

نحتاج لـ .. اي نوع كيك "سويسرول او كيك العائلة او كيك عملتيه امس ولسه باقي منه" + ايس كريم بالنكهة اللي تحبيها بالنسبة ليا طبعا شوكولاتة + حليب مركز محلى ..

<<--- المقادير دي حتى لو مو في بيتكم توصي عليها اي احد ويجيبها ليكي من اقرب سوبرماركت ولا اسهل منها ..

الطريقة .. نقطع الكيك شرائح و نغرقها بالحليب المركز .. و فوقها نحط الايس كريم و كمان نديه رشة حليب مركز .. و بالعافية ..

<<<--- زوجي كان دايما يشوفني اسويها و اكلها يقولي ايش اللي تاكليه استغفرالله ..!! و ذاقه مرة و ندم ع المرات اللي سابني اكل فيها الشي دا لوحدي ..!! ههههههههههههه


بسكويت بالتوفي ( الطبق اللي تحت )

نحتاج لـ .. طبقة البسكويت .. بسكويت مفتت في الخلاط + زبدة مذوبة + شوكولاتة بودرة و قشطة (اختياري) انا اعمل الطبقة الاولى دي بدون قشطة ..

للتوفي .. قشطة + فنجان سكر ..

الطريقة .. لطبقة البسكويت طبعا تخلطي البسكويت و باقي مقادير الطبقة مع بعض بحيث انهم يكونوا متماسكين و تحطيها في صينية ( انا عن نفسي احطها بصحن <<-- شغل سريع سريع ماتمزح )

و للتوفي .. في قدر ع النار نحط السكر الين يذوب تماما .. و بعدين تبعدي القدر عن النار و تحطي علبة القشطة الين تصير معاكي توفي .. و تحطيها على طبقة البسكويت .. و استمتعي بالطعم اللزيييز ..



و أخيرا ننتقل للمشروبات المفضلة عندي .. مشروب حار و الثاني بارد ..



كابتشينو .. <<--- و احلى مافي انه خلطته تكون موجودة و جاهزة متى ما احتجتي لها ..

نحتاج لـ .. الخلطة اللي راح نحتفط بيها في الفريزر .. فنجان لكل من .. نسكافيه + سكر + موية ..

الطريقة .. نخلط المقادير اللي فوق مع بعض كووويس في الخلاط .. و نحطها بعلبة و ع الفريزر ..

و لما تشتهي الكابتشينو .. سخني حليب سائل ع النار .. و في الكوب تبعك تحطي ملعة او اثنين من خلطة الكابتشينو .. و تصبي فوقها الحليب و استمتعي بالرغوة المتكونة معاكي و اديها رشة شوكولاتة ع الوجه .. و بالعاافية ..

<<--- مايحتاج تنزلي الخلطة من الفريزر قبلها بوقت .. على طول من الفريزر للكوب ..


الميلك شيك ..

نحتاج لـ .. ايس كريم النكهة اللي تحبيها + حليب سائل + كريمة خفق ( اختياري )

الطريقة .. في الخلاط نحط الايس كريم تقريبا اربع مغارف + حليب سائل و كريمة خفق .. كمية الحليب تحطيها حسب السيولة اللي تبغي الميلك شيك تبعك يوصلها .. يعني تبغيه سائل زودي الحليب تبغيه متماسك اكثر قللي الحليب ..

اذا تبغي طبعا ممكن تزينيه بالشوكولاتة السائلة .. حسب الموجود

و بس بالعافية استمتعي مع اسهل و الز ميلك شيك ..!!



و اخيرا هيك تكون مششاركتي انتهت .. اتمنى انه اطباقي تكون سهلة و خفيفة و حبيتوها ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

مكآني
و لي عودة بإذن الله
__

و عليكم السلام و رحمةة الله و بركآته
ما شاء الله تبآرك الله
موضوع متكآمل و الكمآل لله
تنحت عند إبدآعكِ و وصفآتكِ اللزيزة يممممممممي
آخر شيئن مجربتهم بإذن الرحمن
و كمآن خبز الثوم دنتي مقرمةة < كف
و الحلى خطير
الثآني حسيته أخطر أعشق التوفي يمممي
خلطة الكآبتشينو بتآعتكِ رهيبة و مجربتهآ إن شآء الله
وين ملآذ تختمه لكِ
الله يسعدكِ و يحقق اللي تتمنين + تقييم و لآ يكفي

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

à§Қ mЭ

هنا

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

وعليكم ورحمة الله وبركااته

تنحت عند موضوووعك اللزيييييييييز ياابنت

مااشااء الله ري ري نوعتي في طبخااتك الشهيه

وانا من محبي الحلاااا

[

حبيت حلاااااك الاول حسيته لزيييييييز

وكل ابو طبخااتك لزييييييزه وحلوووه

وان شاااء الله مجربيتهن كليااتهن

الله يعطيك العاافيه ري ري

وتستاااهلين تفيم

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

رد: أطباقي المنوعة 2×2 .. مشاركتي ..~

	المشاركة الأصلية كتبت بواسطة ♥ Farah

	مكآني و لي عودة بإذن الله __ و عليكم السلام و رحمةة الله و بركآته ما شاء الله تبآرك الله موضوع متكآمل و الكمآل لله تنحت عند إبدآعكِ و وصفآتكِ اللزيزة يممممممممي آخر شيئن مجربتهم بإذن الرحمن و كمآن خبز الثوم دنتي مقرمةة < كف و الحلى خطير الثآني حسيته أخطر أعشق التوفي يمممي خلطة الكآبتشينو بتآعتكِ رهيبة و مجربتهآ إن شآء الله وين ملآذ تختمه لكِ الله يسعدكِ و يحقق اللي تتمنين + تقييم و لآ يكفي

يا اهليييين و سهلييينن حبوبة ..

مش متكامل ولا حاجة مجرد اطباق ع السريع .. احرجتيني ياعسوولة ..

جربيهم و اديني رأيك حتى لو ماعجبك خخخخ

اميييين و الله يسعدك و يسلم قلبك ع الرد اللزيييز و التقييم ياعسوولة ..

كلك ذوووووق .. سعيدة بتواجدك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

رد: أطباقي المنوعة 2×2 .. مشاركتي ..~

	المشاركة الأصلية كتبت بواسطة · ♥ ı[ И Ά Ơ Ơ Ḿ

	ياهلا بريري منورة المكاان يامدام حيااك الله ببيتك القديم << خنقتها العبره وربي اشتقنا لمواضيعك يافتاة ربي يسعدك ويوفقك نجي للاطباق الجميلة ماشاء الله وش هالزين عجبني الاطباق بسهولتها < اهم شئ وحبيت طرحك لاكثر من طبق ,, ان شاء الله اجربهم قريب

اهلا اهلا ابلة نعوما .. انا انسة مش مدام "مدري هما دايما يقولوا كدا في الافلام " <<<<----اوووت ري ري

الله يحييك و يخليك يارب و يبعد عنك العبرات و يسعدك ياعسل ..

وربي انتوا اللي دايما توحشوني يسعدكم ربي اجمعين

الجميلة عيونك ياعسل .. وانا احب لما الشي يكون سهل يكون فعلا سهل بدون حوسة صحون و اطباق .. <<---لما يجتمع الحمل مع الكسل مرة مشكلة خخخخ

جربيهم و راح يعجبوكي ان شاءالله ..

سعيدة بطلتك حبووووبة ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

رد: أطباقي المنوعة 2×2 .. مشاركتي ..~

	المشاركة الأصلية كتبت بواسطة »ѕσķάяά"

	إبدآ آ آ آ آ آ آ آ آ ع وربككَ شَي يهههوس يَ فرحتككً يَ مليّذ قسمككً نآ آ آ آ آر<-مَ شآء آ آ لله تبآرككً آ آ لله جععله دو و م يَ رب لككً اطلق تقييم ودّي

اهلا سكره ..

يسسسعدك ربي ياعسسل ..

احرجتيني .. كلك ذووووق ..

مشكووورة ع التواجد و التقييم العسسل حبوبة ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

رد: أطباقي المنوعة 2×2 .. مشاركتي ..~

	المشاركة الأصلية كتبت بواسطة ~ أنفاس ~

	و عليكم السلام و رحمة الله و بركاته ماشاء الله ,, ماشاء الله احلى مافيها انها سهلة و سريعة لكنها دسمة شوي >_< تسلم اياديك ياقمر و عساك ع القوة >> بقيمك مارضى >> و جيت بعطيك لايك بالغلط ضغطت ع unlike

اهلين انفاس ..

الله يحلي ايامك يارب ..

من ناحية دسمة فهي فعلا احيانا احسها دسمة و احيانا لا .. حسب درجة الجوع و الكمية المتناولة منها ..

الله يسلمك و يعافيك ياعسل ..

ههههه مو مشكلة بطة تواجدك و ردك العسل يكفيني ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

رد: أطباقي المنوعة 2×2 .. مشاركتي ..~

	المشاركة الأصلية كتبت بواسطة ẠĻ-βαsma

	وعليكم ورحمة الله وبركااته تنحت عند موضوووعك اللزيييييييييز ياابنت مااشااء الله ري ري نوعتي في طبخااتك الشهيه وانا من محبي الحلاااا [ حبيت حلاااااك الاول حسيته لزيييييييز وكل ابو طبخااتك لزييييييزه وحلوووه وان شاااء الله مجربيتهن كليااتهن الله يعطيك العاافيه ري ري وتستاااهلين تفيم

اهلييين عسوولة ..

الله يسلمك من ذوووقك ياعسسل ..

ههههه وانا من مدمنيين الحلى ..

الله يسعدك و يحلي ايامك ياذوووق ..

جربيهم و راح يعجبوكي ان شاءالله ..

الله يعافيك و يسعد قلبك يااارب ..

سعيييدة بطلتك و تقييمك العسل حبووبة ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

لا تنسوني من دعـواتـكم

وعليكم والسلام ورحمة الله وبركاته

حيا الله العبير والله ...

يممميييييييييي وش هالسنااعه يافتاة وربي شيء يسطل أنا صرت تسذا عند خبز الثووم أحب بل أعشق بل أخق عند هالاكلات الي تسذا

ربي يسعدتس يابعدهم ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

تلقووني هنيا

لا أدعي التميز ولكن أسعى إليه

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

ياحي ياقيوم برحمتك أستغيث ، أصلح لي شأني كله ولاتكلني إلى نفسي طرفة عين

-
إشتقناااااا يااا خاااالة !

يآآآرب آغفر وآرحم خالتي حبيبتي وتجاوز عنها ياكريم ، وآنس وحشتها ووسع لها في قبرها ، وأجعل ما أصابها في الدنيا تكفيراَ وتطهيراَ لها ،،
وأجبر كسرنا في فقدها ، وأحشرنا معها ومع الحبيب صلى الله عليه وسلم في عاااالي جنااانك

صبر جميل | فالملتقى الجنة بإذن الكريم

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -